Lunes, Pebrero 20, 2012

Prisohan gisulong, 3 patay 15 samaron

KIDAPAWAN CITY - Tulo ang patay samtang 15 ang naangol dihang gisulong sa 50 ka mga sakop sa lawless Moro Islamic Liberation Front (MILF) ang Kidapawan City Jail sa alas 9:30 sa gabii niadtong Domingo.
Mga namatay mao sila Carlos Sevilla, Mark Anthony Morales ug Benny Balmejano samtang naangol sila Ernie Aquire, Adrales Cabriles, Elvin Dulay, Raffy Yusalan, City Fire Marshall Police Supt. Romeo Tactaquin, Jomar Lizardo, Esmael Dapan, Rizardo Dapan, Altimogen Lao, Fire Officer 1 Jeffrey Alonzado, Fire Officer 2 Joel Litada, Roel Carbonel, Mark Loquie Pacana, Ian Albete ug Fire Officer 1 Jonathan Cornejo.
Sumala pa  ni Cotabato Police Provincial Office director Sr. Supt. Cornelio Salinas nga gipabuthan sa mga armado ang City Jail gamit ang Rocket Propelled Grenade (RPG) nga mitugpa sa steel gate sa maong prisohan.
Gikanayon ni Salinas nga nakigpinusilay ang mga jail guards sa kapin singkwenta ka mga armado kinsa daling miikyas dihang miabot ang kapulisan ug militar.
Mipaingon didto sa Barangay Muan ang gituhuang mga rebeldi nga duol na sa til-anan sa Mt. Apo.
Pipila lang ka minuto ang milabay, mibusikad na usab ang usa ka Improvised Explosive Divice (IED) nga gama sa bala sa 81 mm mortar atubangan sa buhatan sa Bureau of Fire Protection unahan lamang sa City Jail.
Mga samaron daling gidala sa Kidapawan Doctors Hospital ug Kidapawan Medical Specialist.
Kasagaran sa mga namatay ug naangol kadtong mga sibilyan nga daling nagsusi sa lugar human miikyas ang mga rebelde.
Dugang ni Salinas nga plano unta nga luwason sa mga rebelde si Datucan Samad, alyas Kumander Lastikman nga kanhi sakop sa 108th Base Command nga nadakpan niadtong Disyembre 23, 2012. Nga  nabilanggo tungod sa pagkalambigit niini sa highway robbery hold-up, extortion, carnapping, multiple murder, multiple frustrated murder, kidnapping ug pagpamomba sa Probinsya sa Cotabato.
Sa pagkakaron mihimo na ug manhunt operation ang AFP ug PNP  sa Kidapawan City.. (RDT) 

20 Multicabs gihatag sa kagamhanang lokal sa 20 ka mga barangay
DAVAO CITY - Gipangpaud-apud na sa kagamhanang lokal ang 20 multicabs sa nagkadaiyang Barangay ning dakbayan sa Davao.
Gipangunahan mismo ni Mayor Sara Duterte-Carpio ang pagpanghatag sa mga sakyanan ngadto sa 20 ka mga Brgy. Kapitan nga nagkantidad ug P292,000 ang matag usa.
Nasayran nga mi-alukar ang siyudad ug P5.8 ka milyon alang sa maong proyekto diin tumong niini nga makatabang sa mga barangay nga makalibot sa ilang mga dapit.
Pipila sa mga nahatagan ang gilangkuban sa 24-C, Poblacion; Mudiang, Bunawan District; Sto. NiƱo, Tugbok District; Tibungco; Biao Escuela, Tugbok District; 21-C, Poblacion; Lizada, Toril; Biao Joaquin; Datu Salumay, Marilog District; Baliok, Talomo District; Langub, Talomo District; Saloy, Calinan District; Bato, Toril; 34-D, Poblacion; Pangyan, Calinan District; Ubalde, Agdao District; Mandug, Buhangin; Sirawan, Toril; Ubo-Manobo Tribe ug Marilog ug Baguio District; lakip na ang Baracatan, Toril.
Mi-abaga sab ang dakbayan sa initial registration sa tanan nga units arun nga magamit gilayon kini samtang ang mga konsehal sa Barangay maoy mogasto sa lana, maintenance, ug kung adunay dyutay nga mga kadaut.

GenSan host sa 7th BIMP-EAGA Friendship Games

Abogado gipusil-ang

GENERAL SANTOS CITY- Magsilbing host ang dakbayan sa Heneral Santos sa 7th Brunei-Indonesia-Malaysia-Philippines–East ASEAN Growth Area o 7th BIMP-EAGA Friendship Games.
Ang maong umaabot nga sports events ang gitakda sa katapusan sa tuig ug pangunahan sa Philippine Sports Commission sa pakig-alayun ni GenSan City Mayor Darlene Antonino-Custodio ug Sarangani Gov. Miguel Rene Dominguez.
Matud ni Joaquin Loyzaga, PSC commissioner, nga ang mga dula gilangkuban sa lawn tennis, athletics,badminton, sepak takraw, swimming ug table tennis.
Matag nasud ang adunay managlahing team alang sa babaye ug lalaki gawas sa sepak takraw nga exclusive alang sa mga lalaki.
Ang maong event ang abli sa tanang athletes nagpangidaron og 21-anyos pataas ug angayang maggikan sa BIMP-EAGA member countries.
Gituuhan usba ni Mindanao Development Authority o MinDA chair Secretary Luwalhati Antonino, nga ang maong friendship games ang maayong opurtunidad dili lang sa pagpalambo sa sports apan sa pagpromote sa turismo ug pagpalig-on sa relasyon sa upat na nasud.


 Mga armas, mga bala og arms accessories, nakumpiska sa ronda sa Agusan Sur

ol didto sa dakbayan


BUTUAN CITY - Pipila ka mga armas, mga bala og uban pang mga arms accessories ang nakumpiska sa kapulisan sa Bayugan City uban sa mga sakop sa 13th RCIDU, Agusan del Sur CIDT og RID sa Police Regional Office-13 atol sa gilusad nga pagpangronda pasado alas-4:30 ning mi-aging hapon.
Gihimo kini sa panimalay ni Diomedes Aleria Bagarinao, hingkod ang edad, minyo og residente sa Purok 2, Brgy. Katipunan sa maong dakbayan.
Nakuha gikan sa iyang panimalay ang usa ka Springfield Armorycaliber 45 pistol, usa ka paltik nga kalibre nga punto-38 revolver, usa ka homemade cal. 357 magnum, siyam ka rounds sa caliber .45 nga mga bala, upat ka rounds sa 12 Gauge shotgun nga mga bala, 13 ka mga rounds sa kalibre 38 nga mga bala, usa ka kalibre 45 nga magazine assembly, usa ka homemade shotgun magazine assembly, usa ka homemade 12 gauge shotgun og tulo ka holsters sa kalibre 38, kalibre 45 og caliber 357 revolver.
Gihimo ang ronda human gi-isyu ang search warrant sa sala ni Judge Hector Salise sa RTC, Branch 7, Bagyugan City tungod sa kalapasan sa Presidential decree 1866.
Ang ronda gisaksihan sa mga konsehal sa Brgy. Katipunan nga sila Joeboy Unlad og Elsie Unlad kinsa anaa na sa kostudiya sa Bayugan City PNP alang sa tukmang disposasyon.


 

 sa Davao

DAVAO CITY- Padayon pa nga gi-obserbahan sa mga doktor sa Brokenshire Hospital ang usa ka abogado human kini gipusil sa kanto Mabini ug Torres Street dakbayan sa Davao kaganihang buntag sa alas 11:00 ang takna.
Giila sa mga otoridad ang biktima nga usa ka Miguel Palma Gil 38 anyos ulitawo, usa ka abogado ug nagpuyo sa Townhouse B5, Palm St., Green Heights Subdivision Buhangin Davao City.
Migula sa imbestigasyon nga gilusad ni SPO1 Sherwin Lelim Arbania nga samtang nagmaneho sa Toyota Vois kolor itom nagbaton sa plaka numero TRI 136 nabantayan sa biktima nga adunay nagsunod kaniya nga usa ka kolor grey nga hilux walay plate number hinungdan nga mihunong ang biktima sa nahisgutang lugar ug iyang giduol ang suspetsado nga naila sa pangalan nga usa ka Alan Bigcas hamtong ang pangidaron ug nagpuyo sa Cagayan De Oro City.
Nakita ni Palma nga nagunit ang suspek ug pusil hinungdan nga mibalik kini sa iyang sakyanan aron kuhaon unta ang iyang pusil nga .40 apan gipusil na kini sa suspek sa makaduha kahigayon hinungdan nga naigo sa wala nga abaga, wala ug tulo nga bahin sa kamot.
Gidala ang biktima sa kanhing hinigugma nga si Aimee Salisi 29 anyos ug mulopyo sa 271 Mayon St.,Central Park Subd.,Bangkal Davao City sa Brokenshire Hospital samtang ang suspetsado ang mipalayo sa lugar sakay sa gimaneho nga hilux.
Gikataho nga si Salisi ang nakasaksi sa panghitabo sanglit sakay kini sa suspek sa dihang nahitabo ang krimen ug gilayong nanaug human makita nga gipusil na ang biktima.
Padayon nga giatiman sa balay tambalanan ang biktima samtang narecover sa mga otoridad sa lugar nga nahitaboan ang duha ka basyo sa bala sa .45, lain pang basyo sa bala sa .40 ug usa ka buhing bala sa .40 nga pistola.
Giturn over usab sa biktima ang susi niini sa sakyanan ngadto sa imbestigador ug gikanayon nga nahabilin didto ang iyang pusil nga .40 ug tulo ka magazine nga adunay sulod nga 37 ka buhing bala sa .40.
Milusad na karon ang otoridad ug dugang imbestigasyon sa maong kaso aron dakpon ang responsible sa krimen.


Walang komento:

Mag-post ng isang Komento